युनिकोड
धनुषाका १७ वर्षीय अभियन्ता तथा सामग्री निर्माता कृष यादव ‘गोलछा ग्रुपले प्रस्तुत गरेको ग्लोकल टिन हिरो नेपाल २०२५ को विजेता बनेका छन्।
धनुषाको कचूरीका यादवलाई ग्लोकल प्रालिले ललितपुरको द प्लाजामा आयोजित एक समारोहमा यो सम्मान प्रदान गरेको हो।
विगत एक दशकदेखि ग्लोकल टिन हिरो पहलले शैक्षिक क्षेत्रभन्दा बाहिर उत्कृष्ट प्रदर्शन गर्ने किशोर-किशोरीहरूलाई मान्यता दिँदै उनीहरूको असाधारण प्रतिभा प्रदर्शन गर्ने मञ्च प्रदान गर्दै आएको छ।
ग्लोकल टिन हिरो नेपालले किशोर-किशोरीहरूको पहल, सिर्जनात्मकता र उत्साहलाई गहिरो रूपमा कदर गर्छ, जसले उनीहरूलाई विश्वव्यापी र स्थानीय क्षेत्रहरूबीचको सकारात्मक परिवर्तनका लागि उत्प्रेरक बन्न सशक्त बनाउँछ।
प्रतियोगितामा कृषलाई शीर्ष ६ जना अन्तिम प्रतिस्पर्धीहरूमध्येबाट छनोट गरिएको थियो। तीमध्ये मानुषी न्यौपाने (१७ वर्षीया -स्याङ्जाकी एसआरएचआर अभियन्ता), निश्चल ढुङ्गाना (१९ वर्षीय-कपिलवस्तुका जलवायु न्याय अभियन्ता), अक्सफोर्ड आचार्य (१५ वर्षीय-जुम्लाका नीति अभियन्ता), रेनुका सिंह (१८ वर्षीया-सर्लाहीकी कृषि उद्यमी) र सफल पौडेल (१८ वर्षीय-रूपन्देहीका एआई डेभलपर) थिए।
गोल्छा ग्रुपले प्रस्तुत गरेको ग्लोकल टिन हिरो नेपालको अन्तिम चरणका लागि शीर्ष ६ जना अन्तिम प्रतिस्पर्धीहरूलाई उनीहरूको उपलब्धि, पहल, योगदान र कार्यको प्रभावका आधारमा छोटो सूचीमा राखिएको थियो। अन्तिम प्रतिस्पर्धीहरूले विभिन्न विषयमा आत्म-क्षमता कार्यशालाहरूको शृङ्खलामा पनि भाग लिए र उद्योगका नेताहरू तथा कर्पोरेट व्यक्तित्वहरूसँग आफ्नो ज्ञान बढाउने अवसर प्राप्त गरे।
अन्तिम छनोटको काम निर्णायक टोलीले गरेको थियो, जसमा कोका-कोला नेपालकी कन्ट्री डाइरेक्टर चन्द्रिका कालिया, डब्लुडब्लुएफ नेपालका कन्ट्री डाइरेक्टर डा. घनश्याम गुरुङ, गोलछा ग्रुपकी निर्देशक सीमा गोल्छा, भीओआईटीएचका अध्यक्ष सुरज वैद्य र नेपालका लागि युरोपेली सङ्घका चार्ज डी’अफेयर्स थोमस मिलर रहेका थिए। किशोर-किशोरीहरूलाई उनीहरूको आवेदन, रिजुमे, सहयोगी कागजात र उनीहरूको उपलब्धिका बारेमा लेखिएका निबन्धका आधारमा छनोट गरिएको थियो। उनीहरूलाई उनीहरूको सिर्जनात्मकता, उपलब्धि, प्रभाव र सबैभन्दा महत्त्वपूर्ण कुरा, उनीहरूको कामको दिगोपनाका आधारमा मूल्याङ्कन गरिएको थियो।
गोल्छा ग्रुपले प्रस्तुत गरेको ग्लोकल टिन हिरो नेपाल २०२५ को पुरस्कार समारोह १ सेप्टेम्बर २०२५ मा ललितपुरको द प्लाजामा नेपालका विभिन्न क्षेत्रका व्यक्तित्वहरू जस्तै कूटनीतिज्ञ, राजनीतिज्ञ, शिक्षाविद्, उद्यमी, युवा नेता, सेलिब्रेटीहरू र अन्य धेरैको उपस्थितिमा सम्पन्न भएको हो।
गोल्छा ग्रुप प्रस्तुत ग्लोकल टिन हिरो नेपाल २०२५ को पुरस्कार समारोह सेप्टेम्बर १, २०२५ मा ललितपुरको द प्लाजामा सम्पन्न भएको थियो।
यस कार्यक्रममा विभिन्न क्षेत्रका व्यक्तित्वहरू, कूटनीतिज्ञ, राजनीतिज्ञ, शिक्षाविद्, उद्यमी, युवा नेता, सेलिब्रेटीहरू र अन्य विशिष्ट व्यक्तिहरूको उपस्थिति रहेको थियो।
प्रतिक्रिया