युनिकोड
जर्मन कार निर्माता फक्सवागनले टेस्लाको प्रतिस्पर्धी कम्पनी रिभियनमा ५ अर्ब अमेरिकी डलर लगानी गर्ने भएको छ।
रिभियन र फक्सवागनले संयुक्त उपक्रम (जेभी) खोल्ने भएका हुन्। यसअनुसार दुई कम्पनीले परस्परमा प्रविधि हस्तान्तरण गर्नेछन्।
फक्सवागनको लगानीसँगै रिभियनको सेयर झण्डै ५० प्रतिशतले बढेको बीबीसीले जनाएको छ।
विद्युतीय गाडी निर्माता र पश्चिमा देशबीच चिनियाँ आयातमा शुल्कको प्रतिस्पर्धा बढिरहँदा यस्तो सम्झौता भएको हो।
सम्झौताअनुसार सुरुमा फक्सवागनले १ अर्ब डलर लगानी गर्नेछ। विद्युतीय ट्रकमा हुने उक्त लगानीपछि २०२६ सम्ममा कम्पनीले अर्को ४ अर्ब डलर थप्नेछ।
रिभियन सन् २००९ मा स्थापना भएको कम्पनी हो। हालसम्म कम्पनीले त्रैमासिक नाफा देखेको छैन। २०२४ को पहिलो ३ महिनामा कम्पनी झण्डै डेढ अर्ब डलर घाटा व्यहोरेको थियो। फक्सवागनजस्ता अन्य कम्पनीहरु टेस्ला र बीवाईडीसँगको प्रतिस्पर्धामा दबाब महशुस गरिरहेका छन्।
यो साझेदारीले रिभियनको सफ्टवेयर आफ्ना गाडीमा प्रयोग गर्न फक्सवागनलाई बाटो समेत खुल्नेछ।
यो पनि-
प्रतिक्रिया