अल्फा अटोमोटिभले यही मंसिर २७, २८ र २९ गते रोयल इन्फिल्डका मोटरसाइकलको निःशुल्क सर्भिस क्याम्प सञ्चालन गर्ने भएको छ।
कम्पनीले ग्राहकको सुविधालाई हेरेर उक्त दिन बिहान ७ देखि बेलुकी ७ बजेसम्म क्याम्प आयोजना गरेको हो।
उक्त क्याम्प अल्फाको काठमाडौंबाहिरका आधिकारिक डिलरहरुको सर्भिस सेन्टरहरुमा सञ्चालन हुनेछ। यसअनुसार पोखरा, इटहरी, धरान, बुटवल, जनकपुर, सर्खेत, दाङ, महेनद्रनगर र नारायणगढमा सञ्चालन हुनेछ।
क्याम्पमा १ हजारभन्दा धेरै ग्राहकलाई प्रत्यक्ष सेवा दिइने लक्ष्य राखिएको कम्पनीले जनाएको छ।
क्याम्पमा निःशुल्क मर्मत ज्याला तथा सक्कली मोटरसाइकल पार्ट्स र मोबिलमा १० प्रतिशत छुटको व्यवस्था गरिएको कम्पनीले जनाएको छ।
21
Shares
प्रतिक्रिया