नेपाली सेनाले बनाउन लागेकाे काठमाडौं तराई द्रुत मार्ग फास्ट ट्रयाकमा ३ वटा सुरुङ्ग मार्ग बन्ने भएको छ।
सेनाले बुधबार आयाेजना गरेकाे पत्रकार सम्मेलनमा पहिलेकाे प्रस्तावित सुरुङमार्ग परिवर्तन गरी महादेव डाँडामा ३ दशमलब ३५ किलोमिटर र छोक्रेमा १ दशमलब ६३ किलोमिटर र लेनडाँडामा १ दशमलब ४ किलोमिटर सुरुङ्ग मार्ग बन्ने जानकारी दिएकाे हाे।
यसअघि एसियाली विकास बैकले यस अघि छोक्रे डाँडा, ठिंगन र लेन डाँडामा १ दशमल ३७ किलोमिटरको सुरुङ्गमार्ग बनाउने प्रस्ताव गरेकोमा सेनाले पुनःरेखांकन गरेर तीन स्थानमा सुरुङ्ग मार्ग बनाउन लागेको जनाइएकाे छ।
साे सडक ३ वर्ष ६ महिना भित्र सम्पन्न गर्ने लक्ष्य छ।
विस्तृत आयोजना प्रतिवेदन बमोजिम आयोजनाको लागत १ खर्ब ५५ अर्ब रुपैयाँ रहेको छ। मुल्य अभिवृद्धि कर सहित कुल लागत १ खर्ब ७५ अर्ब रहेको छ।
द्रुत मार्ग खोकनाबाट सुरु भई नीजगढसम्म ७२ दशमलब ५ किलोमिटर को ४ लेनको बाटो निर्माण हुने भएको छ। यो यसअघिको डीपीआरको भन्दा ३ दशमलब ७० किलोमिटर सडक लम्बाई कमि हो। पहाडी भुभागमा २५ मिटर र समथरमा २७ मिटर चौडाको बाटो निर्माण हुने भएको छ। यस मार्गमा बन्ने ८७ पुल मध्ये विशेष प्रकृतिको १६ र अन्य पुल ७१ वटा बनाईने भएको छ।
प्रतिक्रिया