बजारमा सुन महंगिने क्रम बढिरहँदा आज १ तोला सुनको मूल्य ७२ हजार नाघेको छ। नेपाल सुनचाँदी व्यवसायी संघका अनुसार आज छापावाल सुन १ तोलाकै ७२ हजार ५ सय रुपैयाँ पुगेको हो।
त्यस्तै तेजाब सुन ७२ हजार २ सय र प्रतितोला चाँदी ८ सय ५० रुपैयाँमा कारोबार भएको संघले जनाएको छ।
संघका अनुसार शुक्रबार छापावाल सुन ७१ हजार ३ सय रुपैयाँमा र तेजाबी सुन ७१ हजारमा कारोबार भएको थियो। त्यस्तै चाँदी ८ सय ३० रुपैयाँमा कारोबार भएको थियो।
विगत केही दिनयता सुनको भाउ बढिरहेको छ। यसलाई विश्वमा विकसित घटनाक्रमसँग जोडेर हेर्ने गरिएको छ।
प्रतिक्रिया