सुनको मूल्य एक दिनमै तोलाको ७ सयले बढ्यो

सुनको मूल्य सोमबार तोलामा सात सय रुपैयाँले बढेको छ।

शुक्रबारदेखि आइतबारसम्म यथावत रहेको सुनको मूल्य सोमबार एक दिनमै सात सय रुपैयाँ बृद्धि भएको नेपाल सुनचाँदी व्यवसायी महासंघले जनाएको छ।

आइतबार प्रतितोला ९४ हजार २०० मा कारोबार भएको छापावाल सुन सोमबार ९४ हजार ९०० मा कारोबार भएको छ। आइतबार प्रतितोला ९३ हजार ७०० मा कारोबार भएको तेजाबी सुन सोमबार प्रतितोला ७०० ले वृद्धि भई ९४ हजार ४०० मा कारोवार भएको छ।

सोमबार चाँदी प्रतितोला एक हजार ३१५ मा कारोवार भएको छ। अघिल्लो दिनको तुलनामा यो ३५ रुपैयाँ बढी हो।