युनिकोड
प्रहरीले वीरगञ्जबाट २१ टन केराउ मटर लोड भएको ट्रकसहित चालकलाई पक्राउ गरेको छ।
लकडाउनको मौका छोपी परवानीपुरबाट वीरगञ्जतर्फ जाँदै गरेको ना.३ख ३५६९१ नम्बरको ट्रकमा लोड गरिएको २ सय ४० बोरा अर्थात् अन्दाजी २१ टन केराउसहित चालकलाई प्रहरीले नियन्त्रणमा लिएको हो ।
चालक बराको निजगढ नगरपालिका ८ बस्ने ४० वर्षका यमबहादुर दमई रहेको प्रदेश २ प्रहरी कार्यालयले जनाएको छ।
प्रहरीका अनुसार जेठ १० गते साँझ पर्साको वडा प्रहरी कार्यालय श्रपुरबाट खटेको प्रहरी टोलीले वीरगञ्ज उपमहानगरपालिका १४ गण्डक स्थित चेकजाँच गर्दा कुनै कागजात नभएको अवस्थामा कोराउ लोड भएको ट्रकसहित चालकलाई नियन्त्रणमा लिइएको हो।
मटर लोड भएको ट्रकसहित चालकलाई आवश्यक कारबाहीको लागि राजस्व अनुसन्धान कार्यालय पथलैया बारामा पठाइएको प्रहरीले जनाएको छ।
प्रतिक्रिया