५० अंकले बढेको बजारमा ७ अर्बको सेयर कारोबार

सेयरबजारमा आज ७ अर्बको सेयर किनबेच भएको छ। 

नेप्से ४७.२२ अंकले बढेर २६४७.४४ विन्दुमा पुगेको दिन १ करोड ४२ लाख कित्ता सेयर बिक्री भएको हो। 

सोमबार ३७ वटा सेयरको मूल्य घटे पनि २१५ वटाको बढेको छ। त्यसैगरी ६ वटाको अघिल्लो मूल्यमै कारोबार भएको छ। 

आज झापा इनर्जीका सेयरधनीले १० प्रतिशत कमाउँदा सागर डिस्टिलरी, बन्दीपुर केबलकार र स्वस्तिक लघुवित्तका लगानीकर्ताले ९.९९ प्रतिशत प्रतिसेयर आम्दानी गरेका छन्। 

घटेका सेयरहरु अधिकतम ४.४४ प्रतिशतसम्मले ओरालो लागेका छन। सोमबार नेपाल लाइफ इन्स्योरेन्स र नेपाल पुनर्बीमा कम्पनीको २४ करोडको कारोबार भएको छ। 

आज सबै उपसूचकहरु हरियो भएका छन्।