युनिकोड
दशैँका लागि खाद्य व्यवस्था तथा व्यापार कम्पनी लिमिडेटले खसीबोका तथा च्यांग्रा नबेच्ने भएको छ।
सुपथ मूल्यमा उपत्यका बाहिरका विभिन्न स्थानबाट ल्याउने गरी प्रक्रिया सुरु गरे पनि बीचमै रोकेको हो।
कम्पनीका सूचना अधिकारी माधव मिश्रले राजनीतिक अस्थिरताका कारण यस पटक खसीबोका बिक्री नगरिने जनाए।
‘राजीनितक अस्थिरता र विभिन्न ठाउँमा भएका बाटो अवरुद्धले पनि यस पटक खसीबोका र च्यांग्रा विक्री नगर्ने निर्णय भएको हो’, उनले नेपालखबरसँग भने।
सदाझैँ यस पटक पनि कम्पनीले १८ सय वटा खसीबोका र च्यांग्रा उपत्यकामा ल्याएर बेच्ने योजनामा थियो । जसका लागि अनलाईन बुकिङ पनि खुला गरिएको थियो।
सूचना अधिकारी मिश्रका अनुसार २० वटासम्म अनलाईन बुकिङ भइसकेपछि सबै बुकिङ रद्ध गरेर कम्पनीले बिक्रीलाई रोकेको हो।
प्रतिक्रिया