युनिकोड
अबको तीन रात ललितपुरका केही ठाउँमा टेलिफोन र इन्टरनेट सेवा अवरुद्ध हुने भएको छ।
नेपाल दूरसञ्चार कार्यालय पाटन अन्तर्गतका आधा दर्जन ठाउँमा सेवा अवरुद्ध हुनसक्ने नेपाल टेलिकम दूरसञ्चार कार्यालय पाटनले जनाएको छ।
आज राति ११ बजेदेखि भोलि बिहान ६ बजेसम्म पाटन कार्यालय अन्तर्गत चक्रपथ पारिको एकान्तकुना, कुसुन्ती, महालक्ष्मीस्थान, नख्खुडोल शोभाहिटी क्षेत्रमा लेटिफोन, इन्टरनेट र टिभी) सेवा अवरुद्ध हुनेछ।
त्यसैगरि सोमबार मंगलबजार, कृष्ण मन्दिर, पिमबहाल, नाःटोल, डौबहादमा सेवा अवरुद्ध हुनेछ भने मंगलबार धोबीघाट, मलपोखरी, बागडोल र नख्खु विष्णुदेवी क्षेत्रमा सेवा अवरुद्ध हुने नेपाल टेलिकमले आज जारी गरेको सूचनामा उल्लेख छ।
ती ठाउँमा सञ्चालित फाइवर टु द होम नेटवर्कको आन्तरिक मर्मत सम्भार गर्नुपर्ने भएकाले टेलिफोन, इन्टरनेट र टिभी सेवा अवरुद्ध हुन सक्ने सूचनामा उल्लेख छ।
निर्धारित समयभन्दा अघिपछि सेवा सुचारु नभएमा ग्राहक सेवा केन्द्रमा सम्पर्क गर्न पनि कार्यालयले सबैमा अनुरोध गरेको छ।
हेर्नुहाेस् सूचना
प्रतिक्रिया