युनिकोड
सरकारले लकडाउनको समय लम्ब्याएसँगै नेपाल स्टक एक्सचेन्जले पनि सेयर कारोबार वैशाख ३ सम्मका लागि नगर्ने निर्णय गरेको छ।
आज सूचना जारी गर्दै नेप्सेले धितोपत्र सूचीकरण तथा कारोबार नियमावली २०७५ को नियम २१ को उपनियम १ अनुसार २६ गतेदेखि वैशाख ३ सम्म सेयरबजार बन्द गर्ने निर्णय गरेको हो।
विश्व महामारी कोरोनाभाइरस संक्रमण रोक्न सरकारले चैत ११ देखि नै लकडाउन गर्दै आएको छ। सोही क्रममा २४ गते बसेको मन्त्रिपरिषद् बैठकले ३ गतेसम्म लकडाउन लम्ब्याउने निर्णय गरेपछि नेप्सेले बजार बन्द रहने जनाएको हो। यसअघि १८ गतेदेखि २५ चैतसम्मका लागि बजार बन्द गरिएको थियो।
प्रतिक्रिया