युनिकोड
आज पनि सुनचाँदीकै मूल्य बढेको छ। मंगलबार र बुधबार बढेको सुनचाँदीकै मूल्य आज पनि बढेको हो।
नेपाल सुनचाँदी व्यवसायी महासंघका अनुसार आज सुनको मूल्य प्रतितोला तीनसय रुपैयाँ बढेर एक लाख ७० हजार सातसय रुपैयाँ पुगेको छ।
बुधबार सुनको मूल्य प्रतितोला नौसय रुपैयाँ बढेर एक लाख ७० हजार चारसय रुपैयाँ कायम भएको थियो।
मंगलबार पनि सुनको मूल्य प्रतितोला एक हजार चारसय रुपैयाँ बढेको थियो। विगत तीन दिनदेखि सुनको मूल्य लगातार बढ्दै आएको छ।
यही फागनु १३ गते सुनको मूल्य प्रतितोला १ लाख ७१ हजार ३ सय रुपैयाँ पुगेको थियो। जुन मूल्य हालसम्मकै सबैभन्दा उच्च हो।
गएको मंसिर तेस्रो साता सुनको मूल्य दुई दिनमै तोलामा साढे १८ हजार रुपैयाँ घटेको थियो। सरकारले भन्सारदर घटाएपछि मंसिर तेस्रो साता सुनचाँदीकै मूल्यमा उच्च गिरावट आएको थियो।
आज चाँदीको भाउ पनि बढेको छ। महासंघका अनुसार आज चाँदीको मूल्य तोलाको ३५ रुपैयाँ बढेर १ हजार ९ सय ८५ रुपैयाँ कायम भएको छ। हिजो सुनको मूल्य प्रतितोला एक हजार नौसय ५० रुपैयाँ थियो।
प्रतिक्रिया