युनिकोड
नेपाल सरकारको चालू खाता करिब डेढ खर्ब रुपैयाँले बचतमा देखिएको छ।
चालू आर्थिक वर्षको ४ महिनामा चालू खाता १ खर्ब ४३ अर्ब ४२ करोडले बचतमा रहेको हो। अघिल्लो वर्षको सोही अवधिमा चालू खाता ९७ अर्ब १० करोडले बचतमा रहेको थियो।
यस्तै सोही अवधिमा खुद पुँजीगत ट्रान्सफर २ अर्ब ४७ करोड छ। अघिल्लो वर्षको सोही अवधिमा यस्तो ट्रान्सफर १ अर्ब ५९ करोड रहेको थियो।
समीक्षा अवधिमा ५ अर्ब ७६ करोड प्रत्यक्ष वैदेशिक (इक्विटी मात्र) लगानी भित्रिएको छ । अघिल्लो वर्षको सोही अवधिमा यस्तो प्रत्यक्ष वैदेशिक (इक्विटी मात्र) लगानी आप्रवाह ३ अर्ब ६५ करोड थियो।
कात्तिक मसान्तसम्म शोधनान्तर स्थिति पनि २ खर्ब ५ अर्ब ८३ करोडले बचतमा छ। अघिल्लो वर्षको सोही अवधिमा १ खर्ब ५० अर्ब २४ करोडले शोधनान्तर स्थिति बचतमा रहेको थियो।
प्रतिक्रिया