आज सुनचाँदीकै मूल्य वृद्धि भएको छ। नेपाल सुनचाँदी व्यवसायी महासंघका अनुसार बिगत तीन दिनयता स्थिर रहेकाे सुनकाे मूल्य बिहीबार प्रतितोला ६ सय रुपैयाँले बढेको हो।
महासंघका अनुसार आज छापावाल १ लाख ४२ हजार ८ सय रुपैयाँमा कारोबार भइरहेको छ। त्यसैगरी तेजाबी सुन प्रतितोला १ लाख ४२ हजार १ सय रुपैयाँमा कारोबार भइरहेको महासंघले जनाएको छ।
हिजो छापावाल सुनको मूल्य १ लाख ४२ हजार २ सय र तेजाबी सुन १ लाख ४१ हजार ५ सय रुपैयाँ थियो ।
त्यसैगरी आज चाँदीको मूल्य तोलाको ३५ रुपैयाँले बढेको छ। चाँदी आज प्रतितोला १ हजार ८४० रुपैयाँमा कारोबार भइरहेको महासंघले जनाएको छ।
बुधबार चाँदी प्रतितोला १० रुपैयाँले घटेर १ हजार ८ सय ५ रुपैयाँमा कारोबार भएको थियो।
4.3k
Shares
प्रतिक्रिया