युनिकोड
नयाँ स्टक एक्सचेन्ज र थप ब्रोकरलाई लाइसेन्स दिने बारेमा परेको रिट खारेज भएको छ।
धितोपत्र बजार सञ्चालन नियमवली र धितोपत्र व्यवसायी (धितोपत्र दलाल तथा धितोपत्र व्यापारी) नियमावलीको संशोधन विरुद्ध संवैधानिक इजलासमा परेको रिट खारेज भएको हो।
कात्तिक १६ गते अधिवक्ता अमृत खरेलले नयाँ स्टक एक्सचेन्ज र ब्रोकरलाई लाइसेन्स दिनको लागि संशोधन गरिएका नियमावली खारेजीको माग गर्दै रिट परेको थियो।
उक्त रिट आज खारेज भएको हो। न्यायधीश हरिकृष्ण कार्की, ईश्वरप्रसाद खतिवडा, आनन्दमोहन भट्टराई, अनिल कुमार सिन्हा र सपना प्रधान मल्लको इजलासले उक्त रिट निवेदन खारेज गरेको सर्वोच्च अदालतले जनाएको छ।
प्रतिक्रिया