सेयरबजारमा ९५ अंकको उच्च वृद्धि भएको भोलिपल्ट अर्थात् आज सोमबार दोहोरो अंकले घटेको छ।
नेप्से २३.८५ अंकले र सेन्सिटिभ सूचक ७.०२ अंकले घटेको हो।
नेपाल स्टक एक्सचेन्जका अनुसार साताको दोस्रो कारोबार दिन २२९ कम्पनीको सेयर खरिदबिक्री भएको छ। दिनभरिमा ४३ हजार १२२ पटकको किनबेचपछि ५६ लाख कित्ता सेयर २ अर्बमा कारोबार भएको हो।
कुल १३ समूहमध्ये आज जीवन बीमा र लगानीको सूचक हरियो रहे पनि बाँकी समूहको सूचक राताम्य छन्।
आज तीनवटा कम्पनीका लगानीकर्ताले कमाएका छन्। सीवाईसी लघुवित्त, न्यादी पावर र लाइफ इन्स्योरेन्स कर्पोरेसनका लगानीकर्ताले कमाएका हुन्। यी कम्पनीको सेयर १० प्रतिशत हाराहारीमा बढेको छ।
लगानीकर्ताले १० प्रतिशतसम्म गुमाउनुपरेको छ भने आज नागरिक लगानी कोषको १५ करोडको सेयर कारोबार भएको छ।
72
Shares
प्रतिक्रिया