युनिकोड
नेपाल एयरलाइन्सले जापानको नारिता विमानस्थलमा ग्राउण्ड ह्याण्डलिङसम्बन्धी एजेन्सीसँग सम्झौता गरेको छ।
एयरलाइन्सले मंगलबार ग्राउण्ड ह्याण्डलिङसम्बन्धी सम्झौता गरेसँगै नारिता उडानको लागि आवश्यक तयारी पूरा गरेको हो।
नेपाल वायुसेवा निगमका सहायक प्रवक्ता सुलेख मिश्रले मंगलबारको सम्झौतासँगै नारिता उडानपूर्व आवश्यक तयारीको सम्पन्न भएको बताएका छन्।
नेपाल एयरलाइन्सले गत अगष्टबाट जापानको ओसाकामा उडान गरिरहेको छ। तर ओसाका विमानस्थल जापानको राजधानी टोकियोबाट टाढा हुँदा यात्रुको चाप कम छ।
नारिता जापानको राजधानी टोकियोबाट नजिकको विमानस्थल हो। निगमले यस विमानस्थलमा उडान सुरु गरेपछि नेपाली यात्रु तथा जापानका पर्यटकको नेपाल आगमन पनि बढ्ने विश्वास लिएको छ।
प्रतिक्रिया