युनिकोड
गैरआवासीय नेपाली संघ (एनआरएनए) पोर्चुगलले ओदिमिरा नगरपालिका अन्तर्गत बेजा जिल्लाको फतका क्षेत्रका आगलागी प्रभावित नेपालीलाई राहत वितरण गरेको छ।
एनआरएनए पोर्चुगलका अध्यक्ष दीपा काफ्लेको नेतृत्वमा भएको राहत वितरण बिफ्रुट कम्पनीमा कार्यरत १६ जना नेपाली श्रमिकलाई वितरण गरिएको हो ।
राहत पाएपछि गुल्मीका लोकु सेनले ‘देश बाहिर पनि नेपाली अभिभावक रहेछन्’ भन्ने अनुभूति गर्न पाएको बताए।
राहत वितरण कार्यक्रममा एनआरएनए राष्ट्रिय समन्वय समितिका केन्द्रीय सचिव तिलक गैरे, आईसीसी सदस्य राजकुमार गुरुङ, उपाध्यक्षद्वय निर्पेश गिरी र सुदन निउरे, महासचिव गोविन्द बुढाथोकी, सदस्यहरू विनोद केसी, हरि देवकोटा, भवानी शंकर कडेल लगायतको उपस्थिति थियो।
प्रतिक्रिया