युनिकोड
बागमती प्रदेश सभा बैठक मंगलबार (आज) प्रदेशको राजधानी हेटौँडामा सुरु भएको छ। लामो समयदेखि ठप्प रहेको प्रदेश सभा बैठक करिब ८ महिनापछि पुनः सञ्चालनमा आएको हो।
गत भदौ २३ र २४ गते भएको जेन–जी आन्दोलनका क्रममा प्रदेश सभा भवनमा आगजनी भई भवन ध्वस्त बनेपछि बैठक अवरुद्ध भएको थियो।
त्यसपछि बागमती प्रदेश सरकारले हेटौँडा उपमहानगरपालिका परिसरमा निर्माण गरेको अस्थायी सभाहलमा बैठक सञ्चालन गरिएको हो।
सो सभाहलमा समेत आगलागी भए पनि पूर्ण क्षति नभएकाले मर्मतपछि बैठक सञ्चालन गर्न योग्य बनाइएको हो।
मुख्यमन्त्री इन्द्रबहादुर बानियाँले प्रदेश सभाबाट विश्वासको मत लिएपछि बसेको यो पहिलो बैठक हो।
आजको बैठकमा विभिन्न दलका नेताहरूले शुभकामना मन्तव्य राख्ने लगायतका कार्यसूची तय गरिएको छ।
प्रतिक्रिया