युनिकोड
प्रमुख प्रशासकीय अधिकृत सरोज गुरागाईं हाजिर हुन आउन लागेपछि काठमाडौँ महानगरपालिका परिसरमा प्रहरीले तैनाथ गरिएको छ।
प्रक्रिया पूरा नगरी नक्सा पार गरेको आरोप लगाउँदै महानगरपालिकाले छानबिन गरेका प्रमुख प्रशासकीय अधिकृत गुरागाईं आज कार्यालय आउने तयारी गरेपछि रोक्न महानगर प्रहरी तैनाथ गरिएको हो।
उनलाई पुन: हाजिर हुन नदिने अडानमा मेयर बालेन्द्र शाह बालेन रहे पनि केन्द्रीय सरकारले भने उनैलाई काम गर्न दिनुपर्ने जिकिर गरिरहेको छ।
मेयर बालेनकै अडानका कारण प्रमुख प्रशासकीय अधिकृतविहीन बनेको काठमाडौँ महानगरपालिकाका कर्मचारीले ५ महिनादेखि तलब पाउन सकेका छैनन्।
कर्मचारीहरू भने प्रमुख प्रशासकीय अधिकृत गुरागाईंलाई नै ल्याउनुपर्ने पक्षमा छन्।
प्रतिक्रिया