युनिकोड
काठमाडौँ उपत्यकाको न्यूनतम तापक्रम हिजो (बिहीबार) को तुलनामा आज (शुक्रबार) केही उक्लिएको छ।
मौसम पूर्वानुमान महाशाखाका मौसमविद् रोजन लामिछानेका अनुसार आज बिहान ५:४५ बजे मापन गर्दा उपत्यकाको न्यूनतम तापक्रम ३.४ डिग्री सेल्सियस देखिएको हो। तर अहिले बिहान ८:४५ बजे पुनः आजको आधिकारिक न्यूनतम तापक्रम मापन गरिन्छ, त्यतिबेला केही घट्ने सम्भावना हुन्छ।
बिहीबार काठमाडौँ उपत्यकाको न्यूनतम तापक्रम ३ डिग्री सेल्सियस थियो।
मौसमविद् लामिछानेका अनुसार आज काठमाडौँ उपत्यकाको मौसम आंशिक बदलीको अवस्थामा रहने सम्भावना छ। भनेको आकाशमा अलि–अलि बादल देखिनेछ र घाम लाग्नेछ।
आज काठमाडौँ उपत्यकाको अधिकतम तापक्रम १६ देखि १८ डिग्री सेल्सियसको बीचमा रहने देखिएको मौसमविद् लामिछानेको भनाइ छ।
केही दिनयता देशभर चिसो बढेको छ।
देशभरको मौसम : पहाडी भूभागमा वर्षा, उच्च क्षेत्रमा हिमपातको सम्भावना
प्रतिक्रिया