ad ad

बागमती


ट्रेड युनियन कांग्रेस बागमतीको अध्यक्षमा चौलागाईंको उम्मेदवारी

ट्रेड युनियन कांग्रेस बागमतीको अध्यक्षमा चौलागाईंको उम्मेदवारी

नेपाल ट्रेड युनियन कांग्रेस बागमती प्रदेशको अध्यक्ष उम्मेदवार लिलानाथ चौलागाईं।


नेपालखबर
जेठ २६, २०८० शुक्रबार २०:१७, काठमाडौँ

नेपाल ट्रेड युनियन कांग्रेस बागमती प्रदेशको अध्यक्षमा लिलानाथ चौलागाईंले उम्मेदवारी घोषणा गरेका छन्। शुक्रबार राजधानीको एक पार्टी प्यालेसमा आयोजित कार्यक्रमकाबीच उनले आफ्नो उम्मेदवारी घोषणा गरेका हुन्। 

आगामी २८ र २९ गते हुने अधिवेशनबाट दोस्रो प्रदेश अधिवेशन हुँदैछ। वर्तमान ट्रेड युनियन बागमतीका उपाध्यक्ष समेत रहेका चौलागाईंले बागमती प्रदेश नेतृत्वका लागि उम्मेदवारी घोषणा गरेका हुन्। 

सिन्धुपाल्चोक स्थायी घर भएका चौलागाईं विगत लामो समयदेखि मजदुरको हक तथा पेशागत अधिकारका लागि संगठनमार्फत सक्रिय भूमिका निभाउँदै आएका छ। 

नेपाल विद्यार्थी संघ (नेविसंघ) बाट राजनीतिक यात्रा सुरु गरेका उनी नेविसंघ जिल्ला सहसचिव बनेका थिए। 

त्यस्तै, उनी काठमाडौंको महेन्द्ररत्न क्याम्पस, ताहाचलका विद्यार्थी नेता हुन्। शिक्षक पेशामा आवद्ध चौलागाईं त्यसपछि ट्रेड युनियनमा आबद्ध भई काम गर्दै आएका छन्।

उनले ट्रेड युनियन सिन्धुपाल्चोकको सचिवको भूमिकामा रहेका पनि जिम्मेवारी निभाइसकेका छन्। सिन्धुपाल्चोक क्षेत्र नम्बर २ का क्षेत्रीय सदस्य समेत बनिसकेका चौलागाईं हाल पार्टीको बागमती प्रदेश प्रतिनिधि पनि हुन्।

उम्मेदवारी घोषणा सभामा बोल्दै उनले ट्रेड युनियन मातहतमा रहेका संगठनहरूलाई चुस्त दुरुस्त बनाउन सक्रिय भूमिका खेल्ने बताए। 

आफूले जितेपछि सबैका व्यक्तिगत चाहना पूरा गर्न नसकेपछि सामूहिक चाहना पूरा गर्न लागिपर्ने उनले बताए। 

अघिल्लो अधिवेशनबाट निर्वाचित बागमती ट्रेड युनियनका अध्यक्ष विनोद कार्की सवारी दुर्घटनामा देहावसन भएपछि कार्यवहाक अध्यक्षको जिम्मेवारी घनश्याम चापागाईंले सम्हाल्दै आएका छन्।

प्रतिक्रिया

नेपाल खबर प्रा.लि
सूचना विभाग दर्ता नंः ५४९/०७४-७५

Nepal Khabar Pvt. Ltd.

Blue Star Complex
Thapathali-11, Kathmandu, Nepal
+977 01 5340505 / 5341389
Admin:[email protected]
News:[email protected]

विज्ञापनका लागि सम्पर्क


+977 9851081116
[email protected]
Copyright © 2021 Nepalkhabar. All Rights Reserved. Designed byCurves n' Colors. Powered by .