भरतपुर विमानस्थलको टावरनजिकै आगो लाग्यो

भरतपुर विमानस्थलको टावरनजिकै आज बिहान आगो लागेको छ। तर १० मिनेटमै आगलागी नियन्त्रणमा लिइएकाले टावरमा कुनै नोक्सानी भएन। 

विमान उडान र अवतरणमा कुनै बाधा नहुने जिल्ला प्रहरी कार्यालय चितवनका सूचना अधिकारी नरहरि अधिकारीले जानकारी दिए। 
उनका अनुसार बिहान पौने ४ बजे टावरनजिक बिजुलीको तार सर्ट भएर एक्कासि आगो लागेको हो। 

बिजुलीको तार, इन्टरनेटको तार र टेलिफोनको तारमा क्षति पुगे पनि विमानस्थलको टावरमा कुनै क्षति नभएको र सेवा सञ्चालन हुने उनको भनाइ छ। आगो छोटो समयमै नियन्त्रणमा लिइएकाले थप क्षति हुनबाट जोगिएको सूचना अधिकारी अधिकारीको भनाइ छ। रासस