युनिकोड
नेपाल सरकारले घोषणा गरेको नेपाल भ्रमण वर्ष २०२० लाई भव्यरुपमा सफल पार्न सहयोग गर्ने उद्देश्यले आयोजना हुन लागेको बेल्ट एण्ड रोड इनिसिएटिभसम्बन्धी यातायात र पर्यटन सम्मेलनको तयारी पूरा भएको छ।
२७ गते आयोजना हुने सम्मेलन चीनको राजधानी बेइजिङ्गमा हेडक्वार्टर रहेको बीआरआई ट्रान्सपोर्ट एलाइन्स (ब्रिटा)ले नेपालको नासा फाउन्डेसनसँगको सहकार्यमा गर्नलागेको हो।
सो क्रममा २७ र २८ गते काठमाण्डौँमा भिजिट नेपाल इयर २०२० इन्टरनेशनल वर्कशप अन ट्रान्सपोर्ट एण्ड टुरिज्म (यातायात र पर्यटनमा सहकार्यसम्बन्धी भ्रमणवर्ष २०२० अन्तर्राष्ट्रिय कार्यशाला सञ्चालन हुनेछ।
नेपाल इञ्जिनियर्स एसोसिएसनको सहआयोजना, तुन्दी कन्स्ट्रक्सनसँगको पार्टनरशिप, चिनियाँ हाइवे एण्ड ट्रान्सपोर्ट सोसाइटी तथा नेपाल अटोमोबाइल्स एसोसिएसनको तत्वाधानमा आयोजना हुने सो कार्यशालाको उद्घाटन पूर्वप्रधानमन्त्री तथा नेकपा अध्यक्ष पुष्पकमल दाहालले गर्नेछन्।
संस्कृति, पर्यटन तथा नागरिक उड्ययन मन्त्रालयको सहयोग तथा पर्वतीय खेलकुद महासंघ नेपालको समन्वयमा हुने सो कार्यक्रममा पर्यटन क्षेत्रमा लगानीको सम्भावना, ड्राइभ टुरिजम, बीआरआई एण्ड टुरिजम, पर्यटन सेफ्टी तथा क्रस बोर्डर कनेक्टिभिटीजस्ता विषयमा सम्बन्धित विज्ञहरुको १६ वटा पेपर प्रस्तुत गरिने बताइएको छ।
कार्यशालामा चिनियाँ सरकारी तथा व्यावसायिक क्षेत्रको प्रस्तुति रहनेछ भने नेपालको केन्द« सरकार तथा प्रदेश सरकारका उच्चअधिकारीहरु, सांसदहरु, पर्यटन क्षेत्रका विज्ञ तथा व्यवसायिहरु, सडक तथा यातायात विज्ञहरु, चीन, भारत, संयुक्त अधिराज्य लगायत देशका विज्ञहरु तथा विभिन्न संघसंस्थाका प्रतिनिधिहरुको सहभागिता हनेछ।
उक्त कार्यशालामा पूर्वमन्त्री तथा सांसद मा. हरिबोल गजुरेल, राष्ट्रिय योजना आयोगका सदस्य डा. राम कुमार फुँयाल, नगरपालिका संघका अध्यक्ष अशोक कुमार बेन्जु, नेपाल पर्यटन बोर्डका कार्यकारी प्रमुख दिपक कुमार जोशी, बेलायतका पूर्व मन्त्रि पउल क्लार्क, चिनिया दूतावास नेपालका चान्सलर जाङ फान, सियुफा ग्रुप चाइनाका कार्यकारी प्रमुख लिउ यु लगायतका व्यक्तित्वहरुको उपस्थिति तथा प्रस्तुति रहनेछ। कार्यक्रमको समापन संस्कृति, पर्यटन तथा नागरिक उड्डयन मन्त्रि मा. योगेश भट्टराईले गर्ने बताइएको छ।
नेपाल भ्रमण वर्ष २०२० को सचिवालयको विशेष प्रस्तुति रहने तथा ७ वटै प्रदेश सरकारका पर्यटकीय निकायहरुको समेत सहभागिता रहने सो कार्यशाला ड्राइभ टुरिजम र टुरिजम सेफ्टी सम्बन्धी नेपालकै पहिलो हो।
प्रतिक्रिया