सुदूरपश्चिम प्रदेशले ल्यायो ३१ अर्ब ६२ करोड बजेट

सुदूरपश्चिम प्रदेश सरकारले ३१ अर्ब ६२ करोड ९८ लाख २८ हजारको बजेट ल्याएको छ। आर्थिक मामिलामन्त्री सुरेन्द्रबहादुर पालले शनिबार प्रदेश सभामा आगामी आर्थिक वर्ष २०८१/०८२ को बजेट प्रस्तुत गरेका हुन। 

चालुतर्फ कुल बजेटको ३५ प्रतिशत अर्थात् ११ अर्ब ७ करोड १९ लाख ६३ हजार विनियोजन गरिएको छ। यस्तै, पुजीँगततर्फ १७ अर्ब ५३ करोड ८ लाख ५५ हजार विनियोजन गरिएको छ। 

अन्तर सरकार वित्तिय हस्तारणअन्तर्गत २ अर्ब ९२ करोड ७० लाख १० हजार र  वित्तिय व्यवस्थापनतर्फ १० करोड विनियोजन गरिएको मन्त्री पालले बताए।