कञ्चनपुरमा एकजना मृत फेला

कञ्चनपुरका एक जनाको शव भेटिएको छ। मंगलबार दिउँसो बेदकोट नगरपालिका ५ पोल्खरीमा शव भेटिएको हो। 

जिल्ला प्रहरी कार्यालय कञ्चनपुरका डीएसपी सागर बोहराका अनुसार बेदकोट नगरपालिका ६ मुसेपानीका ३४ वर्षीय विनोद चौधरी खोला किनारमा मृत भेटिएका हुन्। 

अहिले घटनास्थलमा प्रहरी पुगेको छ। नजिकै वान्ता गरेकोले विषादी सेवन गरेको आशंका गरिएको छ।

घटनास्थलबाट २ सय मिटर टाढा उनको मोटरसाइकल पनि भेटिएको प्रहरीले जनाएको छ। प्रहरीले घटनाको अनुसन्धान सुरु गरेको छ।