सोडारीको विपक्षमा मतदान गर्न एमालेको ह्विप

नेकपा एमालेले सुदूरपश्चिमका मुख्यमन्त्री दीर्घबहादुर सोडारीलाई विशवासको मत नदिने भएको छ।

संसदीय दलका नेता राजेन्द्र सिंह रावलको नेतृत्वमा धनगढीमा शुक्रबार बसेको दलको बैठकले सोडारीलाई विश्वासको मत नदिने निर्णय गरेको हो।

नेकपा एमालले आफ्ना सांसदलाई संसद बैठकमा अनिवार्य उपस्थित भएर तटस्थ नबसी सोडारीको विपक्ष मतदान गर्न भनेको छ।

संसदीय दलको बैठकमा उपसभामुखबाहेक सबै १० जना उपस्थित थिए।