युनिकोड
कञ्चनपुरको बेदकोट नगरपालिकामा मोटरसाइकल दुर्घटना हुँदा एक जनाको मृत्यु भएको छ।
जिल्ला प्रहरी कार्यालय कञ्चनपुरका अनुसार बेदकोट नगरपालिका– ५ पोल्खरीमा मोटरसाइकल दुर्घटनामा परेर सोही ठाउँका २७ वर्षीय बसन्त जोशीको मृत्यु भएको छ।
सु प ०१–०१० प १०७१ नम्बरको मोटरसाइकल अनियन्त्रित भएर रुखमा ठोक्किएको जिल्ला प्रहरी कार्यालय कञ्चनपुरका डीएसपी चक्रबहादुर शाहले जानकारी दिए।
उनका अनुसार मोटरसाइकल चलाइरहेका जोशीको टाउको र अनुहारमा चोट लागेर गम्भिर घाइते भएका थिए। उपचारका लागि महाकाली प्रादेशिक अस्पताल पु¥याउँदा उनलाई चिकित्सकले मृत घोषणा गरेका थिए।
मृतक जोशी अख्तियार दुरुपयोग अनुसन्धान आयोग कञ्चनपुरका सवारी चालकको रुपमा कार्यरत थिए। घर नजिकै उनले चलाएको मोटरसाइकल अनियन्त्रित भएर दुर्घटनामा परेको थियो।
प्रतिक्रिया