सुदूरपश्चिम सरकारले गौरा पर्वका लागि दिएको बिदा रद्द गर्‍यो

सुदूरपश्चिम प्रदेश सरकारले गौरा पर्वमा दिएको सार्वजनिक बिदा रद्द गरेको छ।

यही भदौ १८ गते गौरा पर्वमा संघीय सरकारले बिदा दिएकोमा प्रदेश सरकारले थप एक दिन १७ गते पनि बिदा दिने भनेर प्रदेश राजपत्रमा उल्लेख गरेको थियो। 

तर, बुधबार सूचना जारी गर्दै प्रदेशको आर्थिक मामिला तथा कानुन मन्त्रालयले थपिएको एक दिनको बिदा रद्द गरिएको जनाएको हो। 

यस्तै भदौ १२ गते थारु समुदायको अटवारी पर्वका लागि कैलाली र कञ्चनपुरमा सार्वजनिक बिदा दिइसकिएकाले १९ गतेका लागि राजपत्रमा उल्लेख भएको बिदासमेत हटाइएको जनाइएको छ।