युनिकोड
करण केसी चम्किएपछि नेपालले नेदरल्याण्ड्ससम्मिलित त्रिकोणात्मक टि–२० आई सिरिज अन्तर्गत मलेसियाविरुद्दको खेलमा १ सय १० रनको मध्यम लक्ष्य पाएको छ।
कीर्तिपुरस्थित त्रिवि क्रिकेट मैदानमा नेपालले टस जितेर फिल्डिङ रोजेपछी ब्याटिङ गरेको मलेसिया १६ दशमलव ५ ओभरमा १ सय ९ रन जोड्दा अलआउट भयो।
उत्कृष्ट सुरुवात गरेको नेपालले पाँचौ ओभरसम्म ४ विकेट लिइसकेको थियो। कसिलो बलिङ गरेका नेपालका बलरहरुले मलेसियाका ब्याट्सम्यानलाई लामो समय क्रिजमा टिक्न दिएनन्।
करण केसी एक्लैले ३ तथा सन्दीप लामिछानेले २ विकेट लिए। सोमपाल कामी, कुशल मल्ल, साहब आलम र दिपेन्द्र सिंह ऐरीले एक एक विकेट लिए।
ऐरीले टि–२० आइमा पहिलो विकेट लिएका हुन्। यसअघि उनले एक दिवसीय खेलमा २ विकेट झारेका छन्।
लगातार विकेट पतनपछि दबाबमा आएको मलेसियाका लागि सयद अजिजले जोडेको २७ रन नै सर्वाधिक बन्न पुग्यो। मलेसियाका ८ ब्याट्सम्यानले दोहोरो अंकको स्कोर छुन सकेनन्। सर्भिन मुनियनडेले २० र साफिक सारिफले १५ रन थपे।
प्रतिक्रिया