युनिकोड
नेपालमा पहिलोपटक सञ्चालन गर्न लागिएको फ्रेन्चाइज फुटबल प्रतियोगिता नेपाल सुपर लिग (एनएसएल) का लागि टोली र मालिक आज (आइतबार) घोषणा गरिँदै छ।
आयोजक नेपाल स्पोर्टस म्यानेजमेन्टले दिउँसो २ बजे सोल्टी होटलमा कार्यक्रम गरी सहररका नाममा टोली र टोली मालिक घोषणा गर्ने भएको हो।
आयोजकका अनुसार ७ सहरका नामबाट ७ टिम र त्यसका मालिक सार्वजनिक गरिनेछ। सातै प्रदेशबाट प्रतिनिधित्व रहनेगरी टिम घोषणा गरिने आयोजकले जनाएको छ।
वैशाख ११ देखि २५ गतेसम्म काठमाडौंको दशरथ रंगशालमा एनएसएल सञ्चालन हुनेछ।
२०१९ जनवरी १ मा एनएसएल आयोजना गर्ने घोषणा गरिएको २ वर्षपछि यसले मूर्त रूप पाउन लागेको हो।
अखिल नेपाल फुटबल संघ एन्फाले प्राविधिक सहयोग गर्ने यो फुटबल प्रतियोगिताका लागि क्रिकेटमा जस्तै सहरका नामबाट टोली बनाइने र अक्सन सञ्चालन गरिने आयोजकले जनाएको छ।
प्रतिक्रिया