युनिकोड
प्रिमियर लिगको नयाँ सिजन २०२०–०२१ को खेल तालिका सार्वजनिक भएको छ।
लिगको पहिलो दिन डिफेन्डिङ च्याम्पियन लिभरपुलले च्याम्पियनसिप विजेता लिड्स युनाइटेडसँग खेल्नेछ। लिभरपुलले ३० वर्षपछि प्रिमियर लिगको उपाधि उचालेको थियो। लिगको नयाँ सिजन १२ सेप्टेम्बरबाट सुरु हुनेछ।
सार्वजनिक तालिकाअनुसार पहिलो दिन ६ खेल हुनेछन्। पहिलो दिन क्रिष्टल प्यालेस र साउथहेम्टन, फुलह्याम र आर्सनल, टोटनह्याम हट्सपुर र एभर्टन, वेष्ट ब्रुम एल्बिन र लेष्टर सिटी र वेष्ट ह्याम युनाइटेड र न्युक्यासल युनाइटेड भिड्नेछन्।
१४ सेप्टेम्बरमा ब्राइटन र चेल्सी, सेफिल्ड युनाइटेड र वुल्भ्स, खेल्नेछन्।
वर्नली र म्यानचेष्टर युनाइटेड तथा म्यानचेष्टर सिटी र एष्टन भिल्लाको खेलको तालिका भने पछि सार्वजनिक गरिनेछ। लिगको फाइनल खेल भने मे २३, २०२१ मा हुनेछ।
प्रतिक्रिया