टीयू क्रिकेट मैदानमा आइपुग्यो फ्लडलाइटको टावर (तस्बिरहरू)

काठमाडौँको कीर्तिपुरस्थित त्रिभुवन विश्वविद्यालय (टीयू) अन्तर्राष्ट्रिय क्रिकेट मैदानका लागि फ्लडलाइटको टावर काठमाडौँ आइपुगेको छ।

रात्रिकालीन खेलका लागि आवश्यक पर्ने फ्लडलाइटका पोल बुधबार भारतबाट ल्याइएको हो।

बुधबार साँझ अबेरसम्म यी पोलहरूलाई रङ्गशाला बाहिरबाट भित्र लगिएको थियो।

त्रिवि क्रिकेट मैदानमा अहिले धमाधम कुर्सीहरू राख्ने काम भइरहेको छ।