युनिकोड
नेपाली राष्ट्रिय महिला फुटबल टोलीकी गोलरक्षक अञ्जना राना मगर विभागीय टोली एपीएफ फुटबल क्लबमा आबद्ध भएकी छिन्।
करारमा ९ वर्ष त्रिभुवन आर्मी फुटबल क्लबमा बिताएकी अञ्जनालाई अब एपीएफको जर्सीमा देख्न पाइनेछ।
आर्मीमा व्यवसायिक लिग खेल्दै आएकी अञ्जनालाई एपीएफले सोमबार क्लबमा स्वागत गरेको हो। अञ्जनालाई एपीएफ क्लबका अध्यक्ष एसएसपी विकास घिमिरेले स्वातग गरेका थिए।
नेपालको उमेर समूहको कप्तानी सम्हालिसकेकी अञ्जानले रौतहटबाट फुटबल यात्रा सुरु गरेकी थिईन्।
एपीएफकी पहिलो रोजाइकी गोलरक्षक एञ्जिला तुम्बाप्पो सुब्बा व्यवसायिक लिगमा ग्रिसको क्लबमा आवद्ध भएपछि टोलीको गोलपोष्ट सावित्री किसान र झरना डुम्राकोटीले सम्हालेका थिए।
अञ्जनाको आगमनले टोली थप बलियो हुने क्वबको विश्वास छ।
प्रतिक्रिया