खेल


एसीसी प्रिमियर कपमा हङकङले नेपाललाई दियो सामान्य लक्ष्य

एसीसी प्रिमियर कपमा हङकङले नेपाललाई दियो सामान्य लक्ष्य

तस्बिर : क्यान


नेपालखबर
बैशाख ३, २०८१ सोमबार १४:२३, काठमाडौँ

एसीसी प्रिमियर कप अन्तर्गत हङकङले नेपाली टोलीसामु जितका लागि १ सय १५ रनको सामान्य लक्ष्य प्रस्तुत गरेको छ। 

ओमानको अल अमरेट क्रिकेट मैदान ए मा नेपालले टस जितेर फिल्डिङ रोजेपछि ब्याटिङ गरेको हङकङ १ बल अगावै १ सय १४ रन बनाउँदा अलआउट भयो। 

वर्षाका कारण मैदान चिसो हुँदा १ घण्टा ढिला सुरु भएको खेलमा २ ओभर छोट्टाइएको हो। 
हङकङका लागि ओपनर अंशी रतले बनाएको ३४ रन नै सर्वाधिक रह्यो। २६ बलमा ४ चौका र १ छक्का हानेका अंशु गुल्सन झा को बलमा रन आउट हुन पुगे। 

जिसन अली १४ रन बनाउँदा अविनास बोहोराको बलमा दिपेन्द्र सिंह ऐरिको हातबाट क्याच आउट भए। 

कप्तान निजाकत खान पनि १२ रन बनाउँदा रन आउट नै भएका थिए। अर्का ओपनर मार्टिन कोट्जे ८ रन बनाउँदा क्याच आउट भए। इसान खान ११ रनमा बोल्ड आउट भए। 

आयुष शुक्ला ६ रनमा नटआउट रहे। 

नेपालविरुद्ध हङकङका चार ब्याटरले मात्र दोहोरो अंकको स्कोर छुन सके। नेपालका लागि अविनास बोहेराले ३ विकेट लिए। उनले आफ्नो स्पेलमा मात्र २९ रन दिए। 

ललित राजवंशीले २ विकेट झारे। ललितले ४ ओभरमा १ मेडन राख्दै १४ रन खर्चे। दिपेन्द्र सिंह ऐरिले २ विकेट लिए। ऐरिले ५ बलमा २ विकेट लिदा ६ रन दिए। करण केसीको नाममा एक विकेट रह्यो। 

नेपालले केहीबेरमा जवाफी ब्याटिङ गर्नेछ।

प्रतिक्रिया

नेपाल खबर प्रा.लि
सूचना विभाग दर्ता नंः ५४९/०७४-७५

Nepal Khabar Pvt. Ltd.

Blue Star Complex
Thapathali-11, Kathmandu, Nepal
+977 01 5340505 / 5341389
Admin:[email protected]
News:[email protected]

विज्ञापनका लागि सम्पर्क


+977 9851081116
[email protected]
Copyright © 2021 Nepalkhabar. All Rights Reserved. Designed byCurves n' Colors. Powered by .