युनिकोड
सिनियर टोलीका कप्तान रोहित पौडेल र उमेर समूहका कप्तान देव खनालले क्यानडाविरुद्ध अर्धशतक पूरा गरेका छन्।
तीन खेलको एक दिवसीय सिरिजको दोस्रो खेलमा खनाल र पौडेल दुवैले अर्धशतक पूरा गरे।
देवले २७ ओभरको अन्तिम बलमा अर्धशतक पूरा गरेका हुन्। देवले ५६ बलमा ४ चौका र ३ छक्का प्रहार गरे। ओडिआईमा देवको यो तेस्रो अर्धशतक हो।
रोहितले ६७ बलमा ४ चौका र ३ छक्का प्रहार गर्दै अर्धशतक पूरा गरे। ओडिआइमा रोहितको यो नवौँ अर्धशतक हो।
अहिले नेपालको इनिङस् सिनियर टोलीका कप्तान रोहित पौडेल र उमेर समुहका कप्तान देवले सम्हालिरहेका छन्।
क्यानडाविरुद्ध देव ५२ र रोहित ५० रनमा नटआउट छन्।
तेस्रो विकेटका लागि रोहित र देवले १ सय ६३ रनको अविजित साझेदारी गरेका छन्।
क्यानडाले दिएको २ सय ८६ रनको लक्ष्य पछ्याएको नेपालले २७ ओभरमा २ विकेटको क्षतिमा १ सय ६७ रन बनाएर खेलिरहेको छ।
प्रतिक्रिया