खेल


साफ च्याम्पियनसिप : भारतसँग नेपालको हार, सेमिफाइनल सम्भावना सकियो

नेपालको लगातार दोस्रो हार
साफ च्याम्पियनसिप : भारतसँग नेपालको हार, सेमिफाइनल सम्भावना सकियो

नेपालखबर
असार ९, २०८० शनिबार २१:४१, काठमाडौँ

भारतमा जारी साफ च्याम्पियनसिपमा नेपालले लगातार दोस्रो हार व्यहोरेको छ।  बैग्लोरको श्री कान्तिरभा स्टेडियममा शनिबार भएको खेलमा नेपाल घरेलु टोली भारतसँग २–० ले पराजित भएको हो। 

खेलको पहिलो हाफमा भारतलाई गोलरहित बराबरीमा रोकेको नेपाली टोली दोस्रो हाफमा सम्हालिन नसक्दा हार भोग्न बाध्य भयो। 

खेलको ६२ औं मिनेटमा भारतिय कप्तान सुनिल क्षेत्रीको गोलमा नेपाल १–० ले पछि परेको थियो। उत्कृष्ट लयमा रहेका सुनिलले पाकिस्तानविरुद्ध ह्याट्रिक गरेका थिए। 

खेलको ७० औं मिनेटमा महेश नोरेमको गोलमा नेपाल २–० ले पछि परेको हो। 

भारतसँगको हारसँगै नेपाली टोलीको सेमिफाइनल पुग्ने सम्भावना सकिएको छ। अघिल्लो सिजन नेपाल र भारतले साफको फाइनल खेलेका थिए। 

समूह चरणको पहिलो खेलमा नेपाल कुवेतसँग ३–१ ले पराजित भएको थियो। 

समूह चरणको अन्तिम खेलमा नेपालले मंगलबार पाकिस्तानसँग खेल्नेछ। आजै भएको पहिलो खेलमा पाकिस्तान कुवेतसँग ४–० गोल अन्तरले पराजित भएको थियो।

प्रतिक्रिया

नेपाल खबर प्रा.लि
सूचना विभाग दर्ता नंः ५४९/०७४-७५

Nepal Khabar Pvt. Ltd.

Blue Star Complex
Thapathali-11, Kathmandu, Nepal
+977 01 5340505 / 5341389
Admin:[email protected]
News:[email protected]

विज्ञापनका लागि सम्पर्क


+977 9851081116
[email protected]
Copyright © 2021 Nepalkhabar. All Rights Reserved. Designed byCurves n' Colors. Powered by .