एसीसी प्रिमियर कपमा यूएईले सिंगापुरलाई २०१ रनको विशाल अन्तरले हराएको छ।
यूएईले दिएको ४ सय ७२ रनको विशाल लक्ष्य पछ्याएको सिंगापुरले निर्धारित ५० ओभरमा ९ विकेट गुमाएर २ सय ७० रन मात्र बनाउन सक्यो।
सिंगापुरका लागि मनप्रीत सिंहले ६६ रनको योगदान दिए। थिलिपनले ५२ तथा कप्तान अरित्रा दत्त र सुरेन्द्रनले समान ३८ रन थपे।
त्यसअघि कीर्तिपुरस्थित त्रिवि क्रिकेट मैदानमा टस जितेर पहिले ब्याटिङ गरेको युएई निर्धारित ५० ओभरमा ४ सय ७१ रन बनाउँदा अलआउट भयो।
वृत्या अरविन्द र कप्तान मुहम्मद वसिमले विष्फोटक ब्याटिङ गरे। वृत्याले १ सय ३३ बलमा १७ चौका र ७ छक्का मद्दतमा १ सय ७४ रनको योगदान दिए।
वसिमले ८२ बलमा ९ चौका र १६ छक्का मद्दतमा १ सय ६० रन थपे। आयान अफ्जल खानले ७४ रन थपे। सिंगापुरका लागि रमेश कालिमुथुले ३ तथा थिलिपनले २ विकेट लिए।
Shares
प्रतिक्रिया