माइकल ओलिसले अन्तिम समयमा फ्रिकिकमा नाटकीय गोल गरेपछि क्रिस्टल प्यालेस प्रिमियर लिगमा हारबाट जोगिएको छ।
बुधबार राति भएको खेलमा इन्ज्युरी समयमा ओलिसले फ्रिकिकमा गोल गरेपछि क्रिस्टल प्यालेसले म्यानचेस्टर युनाइटेडसँग अंक बाँडेको हो।
पहिलो हाफमा १–० ले अग्रता बनाएको युनाइटेड दोस्रो हाफको अन्तिम मिनेटमा सम्हालिन नसक्दा अंक बाड्न बाध्य भएको हो।
पहिलो हाफको ४३औँ मिनेटमा ब्रुनो फर्नान्डेजको गोलमा युनाइटेड लगातार १०औँ जित हासिल गर्ने योजनामा थियो। ब्रुनोले क्रिस्टियन एरिक्सनको पासमा गोल गरेका थिए।
तर खेलको अन्तिम समयमा ओलिसको नाटकीय गोलमा क्रिस्टल प्यालेसले अंक बाँडेको हो।
बराबरीसँगै युनाइेड अंक तालिकामा न्यु क्यासललाई पछि पार्दै तेस्रो स्थानमा उक्लेको छ। युनाइटेडले १ खेलबाट ३९ अंक बनाएको छ। पछिल्लो समय उत्कृष्ट प्रर्दशन गरिरहको क्रिस्टल प्यालेस रोकिने स्थितिमा छैन।
Shares
प्रतिक्रिया