युनिकोड
न्यु डायमण्ड क्लब एक खेल अगावै सातौँ एनभिए राष्ट्रिय महिला तथा पुरुष क्लब भलिबल च्याम्पियनसिपको सेमिफाइनलमा प्रवेश गरेको छ।
महिलातर्फ डायमण्ड र पुलिस क्लबले एक खेल अगावै अन्तिम ४ मा स्थान बनाएका हुन्। त्रिपुरेश्वरस्थित राष्ट्रिय खेलकुद परिषद (राखेप) को कभर्डहलमा मंगलबार भएको खेलमा डायमण्डले एभरेष्ट क्लबलाई सोझो सेटमा पराजित गर्दै एक खेल अगावै अन्तिम ४ मा पुगेको हो।
डायमण्डले एभरेष्टलाई २५–७, २५–१० र २५–१२ ले पाखा लगायो।
आजै भएको महिलातर्फकै पहिलो खेलमा गण्डकी प्रदेशलाई हराउँदै एपीएफ क्लबले च्याम्पियनसिपमा विजयी सुरुवात गरेको छ।
राखेप कर्भडहलमा एक पक्षिय खेलमा एपीएफले गण्डकीलाई २५–१५, २५–१० र २५–११ ले हराउँदै विजयी सुरुवात गरेको हो।
च्याम्पियनसिपमा मगंलबार पुरुषतर्फका ४ खेल हुनेछन्। च्याम्पिनयसिपको पुरुष र महिला दुवै तर्फका विजेताले समान ४ तथा उपविजेताले २ लाख रुपैयाँ प्राप्त गर्नेछन्।
प्रतिक्रिया