मदन भण्डारी स्पोर्ट्स एकेडेमी बुटवल उप–महानगर कमिटले ११औं वार्षिकोत्सवको अवसरमा दौडको आयोजना गर्ने भएको छ।
स्थापना दिवसको असरमा पाँचौ बटौली ५ हजार मिटर अन्तर मावि दौड प्रतियोगिता गर्ने भएको हो। पुस २९ गते हुने प्रतियोगितामा विभिन्न माविका छात्र र छात्रा सहभागी हुने आयोजकले जनाएका छन् ।
प्रतियोगिता योगिकुटीदेखि ट्राफिक चोकसम्म हुने बताइएको छ।
प्रतियोगितामा प्रथम हुने छात्र छात्राले ११ हजार १ सय ११ रुपैयाँ प्राप्त गर्ने कार्यक्रम संयोजक केशव पौडेलले जानाकारी दिए। यसैगरी तेस्रो मदन भण्डारी अन्तर मावि फुटसल प्रतियोगिता–२०७६ माघ ३ गते हुनेछ। फुटसल प्रतियोगितामा विजेताले नगद २४ हजार र उपविजेताले नगद १२ हजार प्राप्त गर्ने कार्यक्रम संयोजक मदन जंग पुनले जानकारी दिए।
सोही अवसरमा विभिन्न आश्रममा राहत वितरण गरिने समेत बताइएको छ।
प्रतिक्रिया