रुकुम पश्चिममा ट्याक्टर दुर्घटना हुँदा घाइते भएका १८ वर्षीय किशोरको मृत्यु भएको छ।
मुसीकोट नगरपालिका –२ का १८ वर्षीय सागर परियार बुधबार दिउँसो मुसीकोट नगरपालिका–५ सेरीगाउँमा रा १ त ३७१७ नम्बरको ट्याक्टर दुर्घटनामा घाइते भएका थिए।
उनी ट्याक्टरका चालक रहेका जिल्ला प्रहरी कार्यालयले जनाएको छ।
दुर्घटनामा गम्भीर घाइते भएका परियारलाई थप उपचारको लागि नेपालगन्ज लैजाँदै गर्दा बाटोमै मृत्यु भएको प्रहरीले जनाएको छ।
दुर्घटनामा मुसीकोट नगरपालिका–५ का ४० वर्षीय हरिचन्द्र केसी घाइते भएका छन्। उनको नेपालगन्जमै उपचार भइरहेको छ।
45
Shares
प्रतिक्रिया