काठमाडौं उपत्यकामा आज ४२७ जनामा कोरोना भाइसको संक्रमण पुष्टि भएको छ।
काठमाडौंमा ३०८, ललितपुरमा ७६ र भक्तपुरमा ४३ जना संक्रमित थपिएका छन्।
आज काठमाडौंपछि धेरै संक्रमित कास्कीमा फेला परेका छन्। गण्डकी प्रदेशको कास्कीमा २३३ र तनहुँमा १२८ जना संक्रमित थपिएका हुन्।
आज एक सय भन्दा बढी संक्रमित थपिएका यीनै तीन जिल्ला हुन्। यसबाहेक बढी संक्रमित प्रदेश १ को मोरङमा ९७ र सुनसरीमा ९४ जना संक्रमित भेटिएका छन्।
आज देशभर २ हजार ४७६ कोरोना संक्रमित थपिएका छन् भने ५ हजार ४५५ निको भएका छन्। यस्तै, २७ जनाको मृत्यु भएको स्वास्थ्य तथा जनसंख्या मन्त्रालयले जनाएको छ।
प्रतिक्रिया