२ हजार ८२८ जनामा संक्रमण, ३ हजार ८२ निको भए

गएको २४ घण्टामा नेपालमा २ हजार ८२८ जनामा कोरोना भाइरसको संक्रमण पुष्टि भएको छ।

१३ हजार २२ जनाको परीक्षण गर्दा सो संख्यामा संक्रमण पुष्टि भएको हो।

८ हजार ६८७ जनाको पीसीआर गर्दा २ हजार १४ र ४ हजार ३३५ जनाको एन्टिजेन गर्दा ८१४ जनामा संक्रमण भेटिएको स्वास्थ्य तथा जनसंख्या मन्त्रालयले जनाएको छ।

यो अवधिमा ३ हजार ८२ जना संक्रमणमुक्त भएका छन्।

आज देशभर ५२ जनाको ज्यान गएको छ। यो सहित कोरोनाका कारण ज्यान गुमाउनेको संख्या ८ हजार ५५८ पुगेको छ।