भारतमा ६० हजार संक्रमित बन्दा २७ सयको मृत्यु, संक्रमित संख्या ७५ दिनयताकै कम

सो क्रममा त्यहाँ ७५ दिनयताकै सबैभन्दा कम संक्रमित थपिएका छन्।

भारतको स्वास्थ्य मन्त्रालयका अनुसार गएको २४ घण्टामा त्यहाँ ६० हजार ४७१ संक्रमित बन्दा २ हजार ७२६ को मृत्यु भएको छ।

मन्त्रालयका अनुसार कोरोनाबाट संक्रमित हुनेको यो संख्या ३१ मार्च यताकै कम हो। यससँगै भारतमा कोरोनाबाट संक्रमित हुनेको कुल संख्या २ करोड ९५ लाख पुगेको छ।

यस्तै भाइरसबाट भारतमा हालसम्म ३ लाख ७७ हजारको मृत्यु भइसकेको छ। भारतमा हालसम्म २५ करोड जनताले खोप लगाइसकेका छन्।