कोरोनाबाट संक्रमित र मृत्यु भएका व्यक्तिको पहिचान खुल्ने तस्बिर र भिडियो सञ्चारमाध्यम र सामाजिक सञ्जालमा सार्वजनिक भइरहेकोप्रति प्रेस काउन्सिल नेपालले आफ्नो ध्यानाकर्षण भएको जनाएको छ।
मंगलबार विज्ञप्ति जारी गरी प्रेस काउन्सिलले कोरोना संक्रमित र यसका कारण मृत्यु भएका मानिसका तस्बिर र भिडियो नराख्न सम्बन्धित सबैमा अनुरोध गरेको हो।
कोरोना संक्रमित र त्यसबाट मृत्यु भएका व्यक्तिको पहिचान खुलाउँदा उनीहरूका आफन्त तथा परिवारजनमा नकारात्मक असर पर्ने भएकाले त्यसो नगर्न काउन्सिलले आग्रह गरेको हो।
विज्ञप्तिमा भनिएको छ, ‘कोरोनाबाट संक्रमित र मृत्यु भएका व्यक्तिको पहिचान खुल्ने तस्बिर, वैयक्तिक विवरण एवं मृतकको सामाजिक दाहसंस्कारका तस्बिर विभिन्न सञ्चारमाध्यम र सामाजिक सामाजिक सञ्जालमा पोष्ट भएका घटनाप्रति काउन्सिलको ध्यानाकर्षण भएको छ।’
संवेदनशील अवस्थामा समाचार सम्प्रेषण गर्दा सजगता अपनाउन काउन्सिलले सचेत गराएको छ।
Shares
प्रतिक्रिया