युनिकोड
दैलेखको आठबीस नगरपालिका–१ स्यालाकोटमा बस दुर्घटना हुँदा दुईजनाको मृत्यु भएको छ भने १६ जना घाइते भएका छन्।
मृत्यु हुनेमा कालीकोटको भर्ता का ३७ वर्षीय जितेन्द्रबहादुर शाही र कालिकोटको नरहरिनाथ गाउँपालिकाका २१ वर्षीय कमल बिक रहेका छन्। शाहीको घटनास्थलमै र बिकको उपचारको क्रममा ज्यान गएको हो।
कालीकोटबाट सुर्खेतका लागि छुटेको बस बिहीबार बिहान करिब ११ बजेतिर कर्णाली राजमार्गस्थित स्यालामा दुर्घटना भएको हो। दुर्घटनामा ३ प्रहरीसहित १६ जना घाइते भएको दैलेख प्रहरीले जनाएको छ।
कर्णाली प्रदेश ०२००१ ख ०२४७ नम्बरको बस सडकबाट करिव एकसय मिटर तल खसेको हो।
घाइतेमध्ये गम्भीर रहेका ६ जनाको उद्धार गरी अस्पताल पठाएको र ३ जनाको स्थानीय मेडिकलमा उपचार भइरहेको प्रहरीले जनाएको छ।
बसमा सवार कति यात्रु थिए भन्ने एकिन भइ नसकेको प्रहरीको भनाइ छ।
प्रतिक्रिया