युनिकोड
मोरङको उर्लाबारी–५ का ३१ वर्षीय प्रविण बास्तोलाको हत्यामा संलग्न रहेको आशंका गरिएका व्यक्ति धरौटीमा छुटेका छन्।
आइतबार प्रहरीको सम्पर्कमा पुगेका उर्लाबारी ६ का रमेश गिरीलाई जिल्ला अदालत मोरङले सोमबार एक लाख धरौटीमा छाड्न आदेश दिएको हो। बास्तोलाको पुस ४ गते राति गिरीकै घरमा हत्या भएको थियो।
जिल्ला न्यायाधीश सुदर्शन लामिछानेको इजलासले गिरीसँगको बयानपछि एक लाख रुपैयाँ धरौटीमा छाड्न आदेश दिएको मोरङ प्रहरीले जनाएको छ। बास्तोलाको हत्या आशंकामा ६ जनाविरुद्ध जिल्ला अदालत मोरङमा कर्तव्य ज्यान मुद्दा दर्ता भएको छ।
अदालतले गत बिहीबार उर्लाबारी–६ का मेहरमान दर्जीलाई पूर्पक्षका लागि थुनामा राख्न र होटल सञ्चालक कुमार राईलाई ३ लाख धरौटीमा छाड्न आदेश दिएको छ।
घटनामा संलग्न आशंका गरिएका तीन जना फरार रहेको मोरङका एसपी सन्तोष खड्काले बताए। उर्लाबारी ६ का राजेश रणपहेली, सुदीप परियार र दीपेश पौडेल फरार छन्।
उर्लाबारी घटनामा छानविन समितिको प्रतिवेदन : त्रुटिवश फोटो फरक पर्न गएको निष्कर्ष
प्रतिक्रिया