युनिकोड
नेपालको पश्चिमी क्षेत्रबाट मनसुन बाहिरिएको चौथो दिन भइसक्दा पनि पूर्वी क्षेत्रमा भने यो अझै कायमै छ।
मौसमविद्का अनुसार सुदूरपश्चिम र कर्णाली प्रदेशको पूरै भूभाग तथा प्रदेश ५ को पश्चितर्फ आधाजसो क्षेत्रबाट गत बिहीबारदेखि नै मनसुन हटिसकेको छ तर त्यसयता पूर्वका सबै क्षेत्रमा अझै मनसुनी प्रभाव छ।
मौसमविद्का अनुसार बंगालको खाडीको बनेको न्यून चापीय क्षेत्रको प्रभावले नेपालका बाँकी भूभागबाट मनसुन हट्न नसकेको हो।
यसैकारण प्रदेश ५, गण्डकी, बागमती, प्रदेश २ र १ का केही स्थानमा कम्तीमा अझै ३ दिनसम्म हल्का वर्षाको सम्भावना छ।
मौसम पूर्वानुमान महाशाखाले आइतबार बिहान ६ बजे जारी गरेको मौसम पूर्वानुमान बुलेटिनअनुसार यस्तो छ मंगलबारसम्म वर्षाको सम्भावना :
असोज १८ गते आइतबार
दिउँसो : प्रदेश १, प्रदेश २, बागमती प्रदेश र गण्डकी प्रदेशमा सामान्य बदली र बाँकी प्रदेशमा आंशिक बदली रही प्रदेश १ का थोरै स्थान तथा प्रदेश २, बागमती प्रदेश र गण्डकी प्रदेशका एक दुई स्थानमा हल्का वर्षाको सम्भावना छ।
राती : प्रदेश १, प्रदेश २, बागमती प्रदेश र गण्डकी प्रदेशमा सामान्य बदली र बाँकी प्रदेशमा आंशिक बदली रही प्रदेश १ र गण्डकी प्रदेशका थोरै स्थानमा हल्कादेखि मध्यम वर्षा तथा प्रदेश २, बागमती प्रदेश र प्रदेश न ५ का एक दुई स्थानमा हल्का वर्षाको सम्भावना छ।
असोज १९ गते सोमबार
दिउँसो : प्रदेश १, प्रदेश २, बागमती प्रदेश र गण्डकी प्रदेशमा सामान्य बदली र बाँकी प्रदेशमा आंशिक बदली रही प्रदेश १, प्रदेश २ र बागमती प्रदेशका थोरै स्थान तथा गण्डकी प्रदेशका एक दुई स्थानमा हल्का वर्षाको सम्भावना छ।
राती : प्रदेश १, प्रदेश २, बागमती प्रदेश र गण्डकी प्रदेशमा सामान्य बदली र बाँकी प्रदेशमा आंशिक बदली रही प्रदेश १, प्रदेश २, बागमती प्रदेश र गण्डकी प्रदेशका एक दुई स्थानमा हल्का वर्षाको सम्भावना छ।
असोज २० गते मंगलबार
दिउँसो : प्रदेश १, प्रदेश २, बागमती प्रदेश र गण्डकी प्रदेशमा आंशिक देखि सामान्य बदली र बाँकी प्रदेशमा आंशिक बदली रही प्रदेश १ का थोरै स्थान तथा प्रदेश २, बागमती प्रदेश र गण्डकी प्रदेशका एक दुई स्थानमा हल्का वर्षाको सम्भावना छ।
राती : प्रदेश १ मा सामान्य बदली र अन्य प्रदेशमा आंशिक बदली रही प्रदेश १ का एक दुइ स्थानमा हल्का वर्षाको सम्भावना छ।
प्रतिक्रिया