युनिकोड
आइतबारसम्म काठमाडौं महानगरपालिकाभित्र सक्रिय संक्रमितको संख्या तीन हजार चार सय ७७ जना पुगेको छ।
महानगरको सहरी स्वास्थ्य महाशाखाका अनुसार हालसम्म ५५ जनाको कोरोनाको कारण मृत्यु भएको छ भने २ हजार ९ सय ३ जना निको भएर फर्किएका छन्।
त्यस्तै, ४ सय २२ जनाको बारे केही नखुलेको महानगरले जनाएको छ। महानगरमा १५ हजार २ सय ९२ जनाको कन्ट्याक्ट ट्रेसिङ भएको छ। यसमध्ये आइतबार मात्रै १ सय ३८ जनाको पीसीआर परीक्षण गरिएको थियो भने आइतबारसम्म १० हजार ८ सय २८ जनाको पीसीआर परीक्षण भइसकेको छ।
कन्ट्याक्ट ट्रेसिङ गरिएकामध्ये हालसम्म १ हजार ३ सय ५१ जनामा कोरोना पुष्टि भएको छ। काठमाडौं महानगरमा ३ गतेसम्म ६ हजार ८ सय ५७ जना संक्रमित देखिएका थिए।
महानगरको विभिन्न अस्पतालमा ४४३ जना, होम आइसोलेसनमा २ हजार ११२ र संस्थगत आइसोलेसनमा ९२२ जना संक्रमित उपचाररत छन।
४ गतेसम्म कुन वडामा कति संक्रमित?
वडानम्बर १५ स्थित स्वयम्भु क्षेत्रमा सबैभन्दा बढी ६२७ जना संक्रमित भेटिएका छन। यस्तै स्वयम्भुसँगै जोडिएको वडानम्बर १६ बालाजु क्षेत्रमा ४४८ जनालाई संक्रमण पुष्टि भइसकेको छ।
प्रतिक्रिया